რატომ სუნთქავს კირი
კირი ერთ-ერთი უძველესი სამშენებლო მასალაა. ის ფოროვანია: ჰაერიდან ზედმეტ ტენს იღებს და მშრალ დღეებში ისევ გასცემს. ამიტომ კირის კედლიან ოთახში ჰაერი უფრო თანაბარია.
ეს თვისება ობსაც ეწინააღმდეგება. კირი ტუტეა, და ობის სპორები მის ზედაპირზე ვერ მრავლდება.
კირი დროთა განმავლობაში მყარდება — ჰაერიდან ნახშირორჟანგს იღებს და ისევ ქვად იქცევა. კარგად დატანილი კედელი ათწლეულები ძლებს.